Law and order kenkawh chung- changah police hotute ko khawm

Thawhtanni khan Tripura chief minister Dr Manik Saha chuan eptu party ten dan leh thupek kengkawh tha tawk lova an puhna kal zelah police hotu sangte chu kokhawmin hmalak dan tur a sawipui.
An thutkhawm zawh hnu hian CM chuan an thutkhawmah chuan police hotu sang zawng zawng an tel kim thu sawiin, Durga puja an hman turah pawh police ten venhimna an tihkhauh dawn thu a sawi a, dan chunga leng an awm loh avangin dan ang taka khauh zawka chet an tum thu a sawi.
An thurel pawimawh zingah chuan drugs hmanga sumdawnna dik lo kalpui manchhuah kawngah chet lak nat zual an tum thu a sawi a, Rohingya raltlan chungchang pawh khauh zawka endik hna an thawh tur thu a sawi bawk.
CM Dr Saha chuan police te hnathawh leh an report hrang hrang a ngaihthlak thu sawiin, an hnathawh avangin a fak a, eptute nawr kal leh sawisel vang mai mai ni lo a, dan leh thupek kenkawh kawnga khauh lehzual an tum thu a sawi bawk a ni.