Lawng chawlhna chim avangin mi pasarihin nunna chan
Georgia-a Sapelo Island-ah Zirtawpni khan lawng chawlhna hmun thenkhat a chim avangin mi pasarih an thi niin tualchhung thuneitute chuan an sawi.
Georgia-a lawng chawlhna hmun enkawltu department of natural resources chuan gangway a chim avangin mi 20 vel chu tuiah an pil tih an sawi.
He thil hi an tualchhung huna dar 16:30 vel (20:30 GMT) vel khan Marsh Landing Dock-ah a thleng a, mipui pungkhawmin hun hlimawm tak an hman laia thleng a ni.
Mi tam tak damdawiinah hruai an ni tawh a, zawn leh chhanchhuah hna thawh mek zel a ni bawk.
US President Joe Biden chuan a nupui Jill nen nunna chante chu an tawrhpui hle tih sawiin, ‘hliam tuar leh chin hriat lohte kan tawngtaipui an ni,’ a ti.
Georgia governor Brian Kemp chuan a chhungte nen he thil rapthlak tak thleng hian ‘an rilru a ti na hle’ tih sawiin, mi bo te tan, harsatna tawk mekte tan leh an chhungte tan kan tawngtai mawlh mawlh a ni, a ti bawk.
Tualchhung thuneitute chuan gangway chim hi venhim a nih tawh thu leh he thil thleng hi chhui chian mek a nih thu an sawi.
Lawng chawlhna chim avangin mi pasarihin nunna chan
Get real time updates directly on you device, subscribe now.