Lawngtlai district P/S 181-a duty tur chhuak

Lawngtlai district-a polling station 181-a duty tur polling official leh security-te chuan Thawhtanni chawhma khan Govt. Lawngtlai College atangin an duty-na tur panin an chhuak a. Heng polling station hrang hrang vilpuitu tur sector magistarte-te pawh an duty-na tur ah an chhuak fel.
Polling station-a duty tur kalchhuakte hi inthlan buaipuitu tur polling personal 724 leh sector magistrate 26 an ni a. Polling station-a venhimna hna thawk tur security personal 356 bakah venhimna uluk zual bik ngai polling station 3-ah CAPF (central armed police force) an duty a. Inkalpawh leh inbiakpawh harsatna polling station 40-ah MPRO an duty tel bawk.
Lawngtlai district-a MLA inthlan kalpuina turah hian polling station za zela 60-ah internet hmanga vil theihna, bebcasting kalpui tum a ni.
Lawngtlai district-ah hian voter 91439 awmin, 36-Tuichawng Assembly bialah voter 36042 an awm a; 37-Lawngtlai West ah voter 29493 leh 38-Lawngtlai East ah voter 25904 an awm a ni. Voter awm zat atanga 45685 chu mipa an ni a, 45754 hmeichhia an ni.
Lawngtlai district-ah hian service voter 232 awm anga chhinchhiah a ni a. Tuichawngah polling station 70, Lawngtlai Westah polling station 69, Lawngtlai East-ah polling station 42 a awm a ni.