Lawngtlaiah ‘Formation and Promotion of 10,000 FPO’ sawiho

Lawngtlaiah ‘Formation and Promotion of 10,000 FPO’ sawiho
Nimin khan sawrkar laipui scheme pawimawh tak ‘Formation and Promotion of 10,000 FPO’ kaltlanga hmalakna leh thawhho zel dan tur ngaihtuaha thutkhawmna Lawngtlai DC Conference Hall-ah neih a ni.
|hutkhawm kaihruaitu Zoramsiama Hmar, Addl. Deputy Commissioner, Lawngtlai chuan India ramin zalenna a hmuh atang khan loneitute dinhmun chawisang turin theihtawp a chhuah a, chumi kal zelah chuan scheme chi hrang hrang duang chhuakin, 10,000 Farmer Producer Organisation (FPO) pawh hi kalpui mek a ni, a ti. He Scheme hian a tum ber chu huan thlai neitute chu pawl anga intelkhawma an hamthatna tur, hlawkna leh man man zawka an thar chhuahte hralhtir a ni tiin, chutiang tur chuan line department hrang hrangte pawhin thahnem ngai taka thawpui a pawimawh hle a ti.
Thutkhawmah hian Small Farmers Agri-Business Consortium (SFAC) hnuaia ‘Patanjali Foods Limited’ leh National Cooperative Development Corporation (NCDC) hnuaia ‘Angel Business Promoters of Mizoram’ bakah MOVCDNER ( Mission Organic Value Chain Development for North East Region ) ten presentation an pe a. Implementing Agency leh Cluster Baesd Business Organisation – te hmalakna chu tha thawkhat viau mah se FPO tam zawk din tura chak zawka hmalak ni se an ti a. Farmer- ten eng thlai nge an chin ang tih chu a ram leilung awmdan zirchian hmasak phawt hnuah an thlai chin tur thlang thin ni se an ti. Huan thlai enkawltuten hlawkna tak tak an neih theih nan Agriculture Department leh Line Department hrang hrangte nen thawhhona tha zawk awm se, hmalak chin leh harsatna hrang hrangte chiang zawka inhrilhhriat thin ni se an ti a. District Level Monitoring Committee on Formation and Promotion of 10,000 FPO – thutkhawm chu a tam thei ang ber a neih thih ni se an ti bawk.
10,000 FPO scheme hi Central Sector Scheme (sawrkar laipuiin funding 100% a tum) niin a thil tum ber chu India ram pumah kum 2025-a huan thlai neitu (farmers) intelkhawm, Farmer Producer Organisation (FPO) 10,000 din a ni. Hemi atan hian implementing agencies-ah NABARD leh SFAC te chu thlan niin, he scheme hnuaia hmalakna lian ber chu huan thlai neitute tan awlsam leh man man zawka an thil thar chhuahte hralhchhuahpui a ni a. Tun dinhmunah hian Lawngtlaiah FPO – 8 an awm mek a ni.