Hnung lam hawia sorkar kalpuiah puh

Hachhek bialtu MLA Robert Romawia Royte chuan hnung lam hawia sorkar kalpuiah ZPM a puh a, hei hi ZPM sorkar chet chhiat chhanah a puh bawk.
A bial fanga zin mek MLA hian, ‘ZPM Sorkar hi sorkar hmasa tihdik loh zawngin hnung lam hawiin a kal a,tun hi min thlenpui ta a nih hi. SASCI Part-I sum sanction sa cheng nuai 23331 an tih lapse chhan pawh kha hnung lam an hawi rei lutuk vang a ni,’ tiin a sawi a, sum lapse pawizia hi thla kua zet an sorkar hnuah an hmuchhuak tan mek a ni a ti.
CM leh minister-te hi India danpui hnuaia mawhphurhna kengkawh tura thu tiam vek an ni tiin a sawi a, mahse an chanvoah ngei pawh mawhphurhna la ngam lova mi dang dem tur an zawng thin hi a dik lo a, an chanvoa dik lo awmah mi dang puhmawh zel lovin mawhphurhna la ngam se tih hi mipui ngaihdan a ni a