Lawngtlaiah HIV
kai 111 hmu
Kum kalta khan Lawngtlai district-ah HIV kai hmuhchhuah 111 an awm a. Inpawlna atanga kai an tam ber.
Mizoram State AIDS Control Society (MSACS) project director Jane R Ralte hoin District AIDS Prevention and Control Committee (DAPCC) Lawngtlai chu Nilaini khan an thukhawm a.
District AIDS dinhmun tarlan danin, kum 2024- 2025 chhung khan Lawngtlai district-a sample 2359 endik zingah HIV natna hrik kai 111 hmuhchhuah a ni a, hei hi za zelah 4.71 a ni. Raipuar 1621 endik zingah HIV hrik kai 4 hmuhchhuah niin, za zelah 0.25 a ni. HIV hrik kai tamna ber chu inpawlna atangin a ni a, a dawt chu hriau (syringe) inhman tawm atangin a ni.
MSACS project director Mizorama HIV/AIDS hluar zel chu mipui harsatna a ni tiin, a bikin prevalence rate a la sang fal nalh chu ngaihpawimawh a tul takzet tih a sawi.
Tun dinhmunah Lawngtlai district chu Mizoram district zinga ‘high priority’ awm lohna niin a lawmawm rualin, hight priority a kai lohnan khawtlang, kohhran leh NGO-te tan tlan a ngai tih a sawi a ni.
Lawngtlaiah HIV kai 111 hmu
Get real time updates directly on you device, subscribe now.
Prev Post