Lawngtlaiah ramri ven lam sawi

Lawngtlai District Level Committee on Border Protection Grid chu an chairman, bawrhsap Cheemala Siva Gopal Reddy hoin Zirtawpni khan an thukhawm.
Thutkhawmah hian Lawngtlai SP R Lokeshwaran bakah Lawngtlai DC office-a officer-te, Border Security Force (BSF) leh Assam Rifles hotute leh Lawngtlai DIPRO-te an tel a. Assam Rifles leh BSF hotuten ramri venhim kawnga hma an lak dan an report a. Chairman chuan Myanmar leh Bangladesh atanga raltlan lo lut vanga ramchhung himna leh ralmuanna a derthawn loh nan ramri ven kawnga tan lak lehzual a pawimawh tih sawiin, Assam Rifles leh BSF chu uluk zawka ramri venhim hna thawk turin a chah.
Myanmar leh Bangladesh nena inrina ramri kana dan phal loh thil tih leh ruihhlo leh ralthuam tawlhruk a awm loh nan ramri ven chungchanga thil pawimawh sawi ho a ni a. Raltlante chetvel dan vil leh thlithlai zui chungchanga hmalak tulna sawi a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More