LC by election nei dawn

Dawrpui Vengthar Local Council general seat khat ruak hnawhkhah nan by-election neih tur a ni a. Hemi atana hman tur Electoral Roll Summary Revision 2023 tehfungah 01.10.2023 hmangin neih a ni dawn a, draft roll hi Ningani khan Aizawl bawrhsap Nazuk Kumar chuan mipui en theih turin a tlangzarh. Be-election neih hun tur hi State Election Commission Mizoram-in a la ruat ang.
Aizawl district-a Dawrpui Vengthar LC electoral roll hi November 16-24 inkar electoral roll atanga paih, thun thar, siamthat ngai leh insawn duhte tan dilna thehluh hun hawn a ni. Dilna lut hi November 25 atanga December 12 chhungin MERO/AMERO ten an endik anga, an enfiah hnu hian MERO ten thutlukna an siam hnu ah hming thunluh ngai, paih ngai leh siamthat ngaite chu thliarhran leh a ni anga, hemi hnu hian data entry (computer-a thunluh hna) tih zui nghal a ni ang. December 13-ah final electoral roll tlangzarh tum a ni.
Dawrpui Vengthar LC draft electoral rolls-a elector awmzat chu 3027 (mipa 1365 leh hmeichhia 1662) a ni.