Lei timum theiin record siam

Italian hmeiche pakhat chuan a lei (tongue) a timum thei a, Guinness World Record a siam. Ambra Collina, kum 37, tiamthil hi a dangdai khawp mai, a lei chu pingpong (TT) ball aia lian mahin a timum thei tlat. Ambra hian hmeichhe zinga lei mum lian ber neiin, tehkualin 13.83 cm (inches 5.44) a lian a ni. A hmaa hetiang record chu Jenny DuVander, USA, siam niin, Ambra lei hi centimetre chanve velin a lian zawk a ni.
Ambra chuan, “Ka naupan lai atang tawhin Guinness World Records bu te ka en thin a, record siamtute ka ngaisang a, an zingah tel ve theih ka chak thin,” a ti a, tunah chuan record bu-ah a hming a chuang ve dawn ta a ni.
Ambra hian a lei han tihmum vel chu thian awmkhawm zingah intihhlim nan te a ti vel mai mai thin a, mahse, chutiang chu Guinness World Record siam theihna a ni tih a hrechhuak ta a ni.