Leilung hausakna kaihhnawihah US leh Ukraine inrem ta

Leilung hausakna kaihhnawihah US leh Ukraine inrem ta
Thla eng emaw zat neuh neuh a awm hnuah Ukraine-a energy leh ram leilung thil hlu hai chhuak dun turin US nen inremna an ziak ta.
Ram pahnihte hi Russia-in a beih avanga Ukraine-a eibar dinhmun hniam tun din a nih leh theihna turin he thil hmang hian investment tam zawk an ti dawn a ni.
US Treasury Secretary Scott Bessent-a chuan ram pahnih hian Ukraine-a muanna tluantling a awm an duh ve ve tih a sawi a. Kyiv tan inremna hi US atanga sipaia puihna a dawnna kawng a ni dawn a ni.
Ukraine hian ram leilung thil hlu chi hrang hrang – graphite, titanium leh lithium neia ngaih a ni a. Heng thilte hi chakna hman nawn theih thil atan bakah sipai hmanrua leh industry atana pawimawh tak tak a ni.
Sumdawnnaa US leh khawvela ram leilung thil hlu 90% vel kawltu, China an indo mek laiin inremna hi an ziak a ni.
US Treasury-in Nilaini chawhnua thuchhuah an siamah US-Ukraine Reconstruction Investment Fund siam thar hi February, 2022 atanga Russia-in Ukraine a rûn mekah US-in ‘sum leh bungraw hmanga a thlawpna pawimawh’ a nih thu tar lan a ni.
US treasury secretary chuan video-a thuchah a sawiah he inremna hian ‘Ukraine thil thanna tur ding tlat’ chhu chattu a nih danw thu a sawi.
An thuchhuah leh thu sawi hmangah Trump-a sorkar hi a hma aiin Ukraine lam a tang nghet tawh zawk tih tilangtu nia ngaih a ni.
Bessent-a hian ‘Russia-in thapuia a rûn’ tih leh ‘ram emaw, mi mal emaw, Russia hi indonaa sum leh bungruaa puitu tu pawh Ukraine tun din lehnaah hian an phu ang hmuhtir tum’ a nih thu pawh a sawi.
Kremlin chuan ram pahnih inremna siam chungchangah hian engmah sawi a la nei lo.
Ukrainian Deputy Prime Minister Yulia Svyrydenko, Washington-a zina inremna ziaktu chuan sum an dawn turte chuan ‘an ramah khawvel pum atanga sum thawh duh a hip dawn’ tih X-ah a tar lang.
Inremnain a ken tel zingah ram leilung atanga laih chhuah thil te, tuialhthei leh boruakalhtheite lak chhuah te telin hengte hi Ukraine ta a la ni reng dawn tho tih a sawi.
Inremna hi zah leh zaha siam a nih thu leh Kyiv-a dan siamtute pawhin an pawmpui ngei a beisei thu a sawi.
Inremna thar hnuaiah hian US-in Kyiv chu tha tharin a pui dawn tih Svyrydenko-i chuan a sawi a, heng zingah hian air defence system pawh a tel tih a sawi.