Lemziak leh thlalak phochhuak
Kumin Chapchar Kut puala Art & Photo Exhibition buatsaih chu Thawhlehni khan I&PR secretary Betsy Zothanpari Sailo chuan a hawng.
Exhibition-ah hian Mizoram Art Development Society atangin member 67 leh Mizo Photograpers’ Society member 120 ten an kutchhuak an pho.
Exhibition hi Chapchar Kut Ni thlenga neih tur a ni a. Tlawhtuten exhibition-a phochhuah thlalak leh lemziak hi a hmunah an lei thei nghal a ni.
I&PR secretary chuan lemziakmi leh thlalatute tan Chapchar Kut puala an kutchhuak pholan hun siam a ni thin chu lawmawm a tih thu a sawi a. Artist leh photographer-te tan leh hetiang lama tuimite tan hlawkna leh hmasawnna kawng a hawn a beisei tih a sawi. Mipui zingah art ngaihhlutna a awm belh zel nia a hriat thu sawiin, tun exhibition-ah pawh hnam ziarang entir thei lam phochhuah a ni chu lawmawm a tih thu a sawi. Mizoram chhung bakah state pawnlam thlenga mi tam zawkin an hriat phah a duhsak tih a sawi bawk
Lemziak leh thlalak phochhuak
Get real time updates directly on you device, subscribe now.
Prev Post
Next Post