LGBTQ ah Japan court in thutlukna siam

Japan Supreme Court chuan mihring mahni pianpui nihna pawmlo (Transgender) te chungchangah nilaini khan a rorelna leh thutlukna a puang chhuak ta a, he dan hian mahni pianpui nihna pawmlo miten an nihna tak an tih danglam theih nana an chi thlah theihna taksa peng lak sawn phal dilna niin hei hi constitution dan a ni lo a ti.
Japan rama Court sang ber Judge-15 awmna Grand Bench thu tlukna siam chu kum 2023-a Japan ramin constitution dan zulzui-a dan a siam hmasak ber niin State remtihna leh hriatpuina hmanga mihring chi inthlahna taksa peng te lakbo a mipa leh hmeichhia te inthlak danglam thei tura siam phalna niin hun rei tak lo chin than tawh damdawi lam thiam ten an lo duhloh reng tawh a ni.
He court thutlukna hian sorkar chu a dan hman mek te ennawn a ngaih tirin transgender te chuan surgery paltlang kher ngailo in an lehkha pawimawh ah te an nihna an thlak theih dan tur a ngaihtuah a ngai dawn a ni.
Hemi chungchanga thubuai thehluttu in a dilna ang chuan an chhungkua official document-a an in register-naah an pianpui mipa nihna chu hmeichhia anga in ziah luh phal dilna niin hei hi court hniam zawk chuan a lo hnawl tawh a ni. Kyodo News sawi danin Judges te chuan lungrual takin mi an pianpui nihna thlak danglam duh vanga an chi thlahna bungrua ti bo tura dan siam chu constitution dan a nilo tiin thutlukna an siam a ni.
Thutlukna chipchiar zawk dang chu hriat theih mai a la nilo a ni. Dan dinglai mek paih thlak takah chuan mi a pianpui nihna duhlo a chhungkaw in register-naa nihna thlak duh leh official documents danga nihna thlak duh te chuan Gender Identity Disorder pawmpuina an neih a ngaiin an chi thlahna hmanrua paih turin an inzai ang tih a ni.
Japan ram Prime Minister Fumio Kishida thawhpui hnaivai tak pakhatin February thla-a a thusawi naah LGBTQ+ mite nena khawsak ho a duhloh thu leh neih inang te nupui pasala inneih remtih a nih chuan heng mite hian Japan ram an chhuahsan tur a ni, tia a lo sawi tawh avangin Japan rama LGBTQ+ mite chuan mihring inthliar bik lohna tur dan siam turin an phut nasa hle a.
Mahse thil inthlakthleng dan chu a la muang hle rihin Japan ram chu Group of Seven te zinga ram pakhat awm chhun niin neih inang te inneih phalna leh dan hnuaia humhim phallo tu niin chi inthliar bikna pawh pawmlotu a ni bawk.