Lianchhiari Run sak enfiah

Lianchhiari Run sak enfiah
Information & Public Relations office building tih lenna – Lianchhiari Run (Multifacility Centre) chu Nilaini khan I&PR minister Lalruatkima’n a endik.
Minister chuan I&PR hotute leh contractor Lushai Engineers chu Lianchhiari Run chhunga Mini Theater, Conference Hall, Art Gallery, four wheeler parking leh two wheeler parking siam meka hmawr bawk dan tur a sawipui bakah Horticulture office ep atanga luhna kawngpui (approach road) siam dan tur a sawipui.
Lianchhiari Run hi sak zawh tawh a ni a, kumin April 1 khan Union Home minister Amit Shah chuan a lo hawng tawh a ni. Tunah hian a building chhung lam cheina leh lift pahnih dahna tur tih leh mek a ni a, hun reiloteah luah theih thuai beisei a ni. He building chhungah hian mipui tlawh theih tur leh lemziakmite tana tangkai tur art gallery a awm dawn a, vantlang tana hawh theih conference hall mi 120 vel thut theihna dah tum a ni bawk. Cinema chhuah na tur mini theatre, mi 110 vel thut lenna tur pawh buatsaih a ni.