Lil Wayne lyric notebook $5M-in lilam

Lil Wayne fans tan thil hlu tak neih theihna chance a awm a, mahse, sum neih ve deuh erawh a ngai. Weezy-a’n a hlate ama kut ngeia a ziahna hlabu, 1999 ami tawh chu an lilam a, a lei duh tan dollar maktaduai 5 atanga chhan tan a ngai thung.
He hlabu-ah hian Hot Boys track ‘We On Fire’ leh ‘I Feel’ tih te pawh kha a awm a, heng hla pahnih te hi Hot Boys album pahnihna ‘Guerrilla Warfare’-ah khan a tel a, July 1999-a tlangzarh niin, he project Billboard 200 (albums) chart No.5-ah a debut a, ‘We On Fire’ hi he album atanga lead single niin, Hot Rap Songs chart-ah No.5 a kai bawk a ni.
He lyric pad hi mipakhat car dealership a thawkin car-a a chhar a ni a, he car hi Cash Money Records ho car hlui niin, he lyric pad neitu nih inchuhna hi a chhuak nghal a, Wayne hian 2019 khan chuhin court-ah a kal a, mahse, Louisiana court chuan Moments in Time kutah a neitu nihna a pe ta a ni.
He hlabu phek thenkhat chu tui huhin a tichhe tawh a, a chhartu chuan an garage-a a chhar niin a sawiin, 2005-a Hurricane Katrina avang khan an garage chu tuiin a chim a, chuvangin he hlabu phek thenkhat pawh hi a chhiat phah niin a sawi. Momebts in Time chuan he hlabu hi a neitu, a hming thup nenah a neitu nihna i Judge Kern Reese chuan kumin February khan a pe fel tawh niin an tarlang.