K-pop solo artist hla Spotify-a vawi tluklehdingawn stream hlawh thei hmasa ber chu ‘Money’ a ni a, BLACKPINK member Lisa hla a ni. Lisa hian Spotify atangin a hlain vawi tluklehdingawn stream a hlawh thei tih hriatpuina leh lawmna pawh a dawng tawh.
Spotify Instagram-a video an post-ah chuan Lisa hian Paris-ah a plaque dawn hi hawngin, a thil dawn chu choka lamah lek lutin, a chaw duh ber Thai dish khai jiao (Thai-style shrimp omelette spice nena chawhpawlh) an tih chu siamin a ei nan a hmang ta a ni.
Lisa chuan, “Mi heti zozaiin ka hla an lo ngaitla hi a mak tih loh rual a ni lo. Ka inchhuan phah ve khawp mai, rimawi dang tichhuak lehzel tura min fuihtu a ni. Ka suangtuah ram min tihpuitlin saktu zawng zawng chungah lawmthu ka sawi e,” a ti.
He hla hi 2021-a a solo LP Lalisa atanga a single pahnihna a ni a, Guinness World Record siam nan a hmang nghe nghe a ni. Lisa hian kumtir lam khan MTV Video Music Awards dawngin, solo K-pop artist zinga he award dawng hmasa ber a ni a, MTV Europe Music Awards pawh solo K-Pop artist zinga dawng hmasa ber a ni bawk. Lisa hi K-pop artist zinga Instagram-a follower ngah ber niin, maktaduai 98.7 a nei tawh bawk a ni.
Lisa-i’n Spotify Billion Streams a lawm
Get real time updates directly on you device, subscribe now.
Prev Post
Next Post