LMC budget nuai 1895 ruahman

LMC budget nuai 1895 ruahman
Lunglei Municipal Council Board of Councillors chu Thawhlehni khan an thukhawm.
Kum 2026– 2027 chhunga Lunglei Municipal Council (LMC) budget atana cheng nuai 1895.62 ruahman chu pawm a ni a. LMC huamchhunga veng fai inelna buatsaih nise, tiin, hemi atan hian cheng nuai nga ruahman a ni a; Municipal Sanitation Committee-in bawhzui se, an ti.
Kumin Krismas dawnah mipui kea veivakten harsatna an tawh lohnan lirthei tlan phal lohna hmun, “No Vehicle Zone” siam nise, an ti a. Rural Development & Administration department atangin Lunglei Chanmari-II huamchhunga Lunglei Park chu LMC kutah hlan a nih tak avangin he Park cheibawl leh enkawl chhunzawm dan tur ruahman thuai nise, hun remchang hmasa berah LMC councillor-ten a huhoin a hmunah hma lak dan tur enho nise, an ti.
LMC huaihawta a tum khatna atana kumin March 4-a ‘Lunglei Ni’ hman chu hlawhtling hlea an hriat thu sawiin, kum dangah pawh changtlung zawk leh uar zawka hman nise, an ti.