Agricultural Technology Management Agency (ATMA) Champhai District leh Tuipuiral Apple Growers Cooperative Society Limited chuan thiamna inhlanchhawn lamah thawhdunna thuthlung (memorandum of understanding) an ziak a. ATMA Champhai District aiawhin project director Dr C Lalhriatpuia leh Tuipuiral Apple Growers Cooperative Society Ltd aiawhin chief executive officer Lalchhuanawmi Ralte ten hming an ziahhnan.
Thawhdunnaah hian suma inpuih lam a awm lo a. MoU-in a tum ber chu, agriculture lama thiamna inhlanchhawn, training leh demonstration kalpui, tunlai thiamna hmanga huan thlai chin, uluk zawka tuihna enkawl inzirtir, agriculture chemical renchem taka hman leh environment tichhe loa a tha zawnga hman a nih zawk theih nana changpat ek leitha tam thama siam chhuah te a ni.
Hengte hian loneitute chu thingthlang lo neih bansan a, tunlai thiamna hmanga lo neih ‘scientific agriculture’ lam zawk an thlan theih nana puih ngei beisei a ni a. Thawhdunna hlawkpuitu tur ber chu loneitute an ni tih an sawi.
Loneitute tan thawhdun tum
Get real time updates directly on you device, subscribe now.
Next Post