Luia nungcha humhalhna atan thawhhona thuthlung

Mizoram luia nungchate inthlahpun zel theih nan leh awmze nei leh tha zawka humhalh a nih theih nan Fisheries department leh Central YMA chuan kum hnih chhung atan thawhhona thuthlung an ziak.
Thawhhona thuthlung hi kum 2021 khan ziah a lo ni tawh a, hlawhtling taka kalpui niin, luidung nungcha humhalh kawngah nasa takin hmasawnna hmuh tur a awm tih sawi a ni. Mizoram Fisheries Act 2002 leh Mizoram Fisheries Rules 2019 in phalna nei loa luidung nungcha man leh an chenna hmun tibuaia tibawlhhlawh zawnga hma lak a khap a, thawhona hmasa chhung hian heng dan hnuaiah hian dan bawhchhia mi 27 hremna pek an ni.
Kumin YMA inkhawmpui lianah khan luidung humhalh tha YMA branch pathum – Khawzawl Vengthar, Khawbung leh Darlawn Venghlun bakah YMA Group pathum – Chalfilh, Tuipuiral leh Hmuifangtlang hnenah lawmman pek a ni bawk.
Thawhhona thuthlung ziah hi Fisheries minister Lalthansanga chuan a hmanpui a. Fisheries department aiawhin director F Vanlallawma leh Central YMA aiawhin president Lalhmachhuana ten hming an ziah hnan a ni. Kum hnih chhung atana ziah ni mah se, chhunzawm zel theih tura duan a ni.