Luke Bryan, Peyton Manning leh Lainey Wilson ten 2024 CMA Awards host dawn
November ni 20-a Bridgestone Arena, Nashville-a 58th annual Country Music Association (CMA) Awards sem tur chu country star rual Luke Bryan, Peyton Manning leh Lainey Wilson ten an host ho dawn.
Luke Bryan hi CMA Award tum li lo host tawh a ni a, CMA Award-a an ngaihhlut entertainer of t e year award pawh tum hnih lo dawng tawh a ni a, NFL legend Manning pawh hi CMA Award tum thum a host-na tur a ni tawh a, Wilson tan a vawi khatna a ni ve thung.
Wilson chuan, “Kumin CMA Awards Luke leh Peyton te nen kan host ho tur hi a aia thil chakawm zawk a awm tawh bik chuang lo ang. Ka tan chuan chawimawina ropui tak, ka lo chak ruk em em thin a ni bawk a. Show hmuhnawm tak chhawp chhuah sak che u kan tum a, chuvangin November ni 20-ah lo thlir theuh ang che u,” a ti.
Wilson hian nikum khan CMA Awards entertainer of the year a dawng a, kuminah pawh he category-ah hian nominate leh a ni a, award dawng thei tura rinkai a ni bawk.
Kumin CMA Awards nomination-ah ian Morgan Wallen a langsar ber a, nomination pasarih a nei a, Cody Johnson leh Chris Stapleton ten nomination panga ve ve neiin an dawt a, Wilson leh Post Malone ten nomination pali ve ve an nei a, Louis Bell, Luke Combs, Charlie Handsome, Hoskins, Jelly Roll, Megan Moroney leh Kacey Musgraves ten pathum theuh an nei bawk.