Lung tan grape a tha

Lung tan grape a tha
Metabolic syndrome nei tan grape chu lung (heart) vengtu tha tak niin mithiam ten an sawi.
Metabolic syndrome chu thil chi hrang hrang a ruala lo thleng, entir nan- blood pressure sang, blood sugar level sang, kawng bawra thau chuangtlai insiam emaw HDL hniam (cholesterol tha chi hniam tihna), blood triglycerides sang- heng hi lung (heart) natna, stroke leh diabetes risk tisangtu a ni.
University of Connecticut-a Department of Nutritional Sciences-a mithiam ten zirchianna an neih thar grape chuan blood pressure a tihniam thei a, thisen luang vel a pui a, taksa vung tur a veng thei bawk niin an sawi a, hei hi grape-a component awm pakhat polyphenols vang a ni, an ti.
Zirchianna neitu te chuan mipa, kum 30 leh 70 inkar te chu zirchian nan an hmang a, zirchian nana an hman te chu grape, a siam dan chi hrang hrang- a hring, a phoro leh a powder te kar thum chhung an ei tir a, chumi hnuah an lung hriselna an en leh a ni.
Hetianga an enkawl zawh hnuah kar thum dang chu grape lampang chi reng reng tel lohna hmangin an enkawl ve leh thung a, chumi hnuah an taksa hriselna an endik leh ta a ni.
Heta tanga an hmuh tak chu, grape chuan BP a tihniam a, thisen luang vel a tichak a, taksa tivung thei chi a titlem bawk a ni.
He zirchiannaa an hotu Dr Marua Luz Fernandez chuan, “He result atang hian grape-in lung lam natna hrang hrang risk a tihniam kan ti thei ta a ni,” a ti.
He zirchianna chungchang hi Journal of Nutrition-ah tihchhuah a ni.