Lunglei khawthlang lam kawng siamthat dan tur rel

Lunglei khawthlang lam
kawng siamthat dan tur rel
Lunglei khawthlang lam, National Highway-302 kawng chhiat chungchanga hmalak dan tur ngaihtuahin Thawhtanni khan Lunglei district bawrhsap Ramdinliani kaihhruaiin NHIDCL a hnuaia contractor bakah Tranport leh Police hotute an thukhawm.
Tunlai ruahsurin NH-302 kawng a tih chhiat avangin Lunglei khawthlang maxicab service zawng zawng chuan July 24 atang khan thu leh awm hma chu tiamchin awm loa service loh nise, tih an rel.
Hei hi an thutkhawm chhan niin, NHIDCL leh contractor thar BRN Infrastructure Pvt. Ltd chuan maxicab service loh chhung hian thawktu leh hmanrua lakhawma July 26-28 (darkar 48) chhunga kawng siam hna thawh chhunzawm tum a ni a, tluang taka kawng siam a nih theihna’n hemi hun chhung hian damlo phur leh a tul tak tak tih loh chu lirthei eng chi mah tlan lo tura ngen niin, a bikin lirthei lian chu tlan lo tura tih an ni. Hemi hnu hian contractor-ten lirthei tlan dan tur mumal takin ruahmanna an la siam dawn a ni.