Lunglei Municipal-ah vote nei sing 4
Lunglei district VC-ah vote nei sing 5
Aizawl district tih loha Municipal nei awmchhun Lunglei district-ah Municipal huamchinah vote nei 41132 an awm a; Lunglei Municipal pawn, district danga village council awmna hoah vote nei 50111 an awm.
Municipal awmnaa local council leh a bak MIzorama district 5-a village council inthlan tura inbuatsaih kal mekah electoral roll ennawn a ni dawn a. Hemia behchhana hman tur draft electoral roll tihchhuah a ni tawh. Aizawl district tih loha mi chen tamna ber leh Municipal nei dang awmchhun Lunglei district-ah hian vote nei 91243 awmin, mipa 45269 leh hmeichhia 45974 an ni. Lunglei Municipal huamchinah hian vote nei 41132 an awm a, mipa 19471 leh hmeichhia 21661 an ni. LMC pawn lam VC awmnaah vote nei 50111 awmin, mipa 25798 leh hmeichhia 24313 an awm thung.
Lunglei district hnuaiah hian local council 24 leh village council 88 awmin, VC hnuaiah hian khawper (sub-village) 18 a awm bawk. Chhungkua (household) 23444 (LC huamchhungah 10862 leh VC huamchhungah 12582) an awm a. LC hnuaiah Electric Veng chu voter tamna ber niin 3327 an awm a; VC-ah Tlabung chu voter tamna ber niin, 2290 an awm.
LC & VC inthlanpui atana electoral roll ennawn turah hian India khua leh tui, scheduled tribe kum 18 tling chin, 2007 January 1 leh a hmalama piang, LC/VC huamchhunga cheng nghet, electoral roll-a inziaklut duh, paih, insawn leh siamthat duhte tan 2024 December 9 thleng dilna hun hawn a ni a. Dilna hi mahni bialtu local level officer/ village level officer hnenah thehluh tur a ni. Final electoral roll hi 2025 January 8-ah tihchhuah tum a ni
Lunglei Municipal-ah vote nei sing 4 Lunglei district VC-ah vote nei sing 5
Get real time updates directly on you device, subscribe now.
Prev Post
Next Post