Lungleiah fai endik dawn

Lunglei Municipal Council hnuaia ward tin inelna tur ‘LMC Award 2024 for Cleanest Ward’ chu Thawhtanni khan UD&PA minister K Sapdanga chuan Lungleiah a khuhhawng.
LMC hian state sawrkarin district leh village level fai inelna a buatsaih thin ang dungthulin, Ward fai inelna hi a buatsaih a; inel chhung hunbi hi kumin kumtluan a ni ang. Tehna chi 6 a awm dawn a – a tlangpuia ward fai dan, vantlang leh mimal in fai leh cheihnum dan, zirna in hmunhma faina, vantlang inthiarna fai dan, bawhhlawh lakkhawm leh thehthang zui dan bakah tuihawk luankawr enkawl dan atangin a ni ang.
LMC Award-a pakhatna hian sumfai cheng nuai thum an dawng dawn a, pahnihna in nuai 2, pathumna in nuai 1 a ni ang. Ward pakhat tan consolation prize Rs. 30000 siam a ni bawk.