Lungleng-Aizawl bypass ngaipawimawh

Lungleng-Aizawl bypass ngaipawimawh
Lungleng to Aizawl western bypass chu sawrkarin a ngaipawimawh a, chak taka hna kalpui mek a ni tih PWD minister Vanlalhlana chuan a sawi.
Ningania Assembly Session-a zawhna chhangin PWD minister chuan, Lungleng to Aizawl western bypass hi hna a kal mek a, zaa 20 vel thawh a ni tawh a, a puitlin hun chuan heti lam khua zawng zawngin awlsam taka Sairang Rel Station leh Lengpui Airport an pan theihna tur a ni, tiin, “Kan ngaipawimawh a, chak takin hna kalpui kan tum,” a ti.
Hlimen – Samtlang – Lungleng in kawng tha an mamawh, sawrkarin PMGSY hmangin siam a tum a, thil kal fuh lo awmin contractor-in beisei anga hna a thawh loh avangin a hna tihtawp lailawk a ni a. Contractor dang ruat turin tender chhuah niin, tunah process mek a ni tih a sawi. Kawng tha tak an neih theih thuai an beisei tih a sawi a ni.