MADC ni khat thutkhawm nei

Mara Autonomous District Council (MADC) Thlasik thutkhawm nikhat awh chu Ningani khan MADC Session Hall-ah neih a ni.
Session hi MADC chairman N Viakhu chuan a kaihruai a, New Siaha East-I by election-a MDC thlantlin tak Nelson Khenglawt chu lawmluh a ni. Mara hnam zinga Sap missionary hnuhnung ber Rev Violet Louise Anne Mark boral ta sunna hun hman a ni a, minute khat ngawirenga din a ni.
Official rules pahnih – The Mara Autonomous District Council (Fisheries Department Group A, B & C) Recruitment Rules 2023 leh The Mara Autonomous District Council (Environment & Forest Fisheries Department Group B & C) Recruitment Rules 2023 chu House-ah executive member i/c Forest & Fishery Tiahlei chuan a pulut a, chawhnu lamah sawi ho a nih hnuin pass a ni.
Hemi hnu hian chairman chuan tiamchin awm loin session hi a titawp a ni.