Madrid Open final-ah Bopanna-Ebden chak zo lo
Madrid Open mipa doubles final-ah India double specialist Rohan Bopanna leh a kawppui Matthew Ebden thawkdun chu Russian pair Andrey Rublev leh Karen Khachanov tangdun lakah Inrinni khan darkar khat leh minute kua an inkhelh hnuah 3-6, 6-3, 3-10-in tlawm.
Kum 43 mi Bopanna thawhpui Australian Ebden kha kum 35 mi niin, Indo-Australian pair hian season kal laiah a vawihnihna atan ATP Masters 1000 final an lut a, chu hmun thleng tur chuan semi-final pakhat zawkah Santiago Gonzalez leh Edouard Roger-Vasselin tangdun an hneh a, final-ah Russian thiandun an ngam zo ta lo a ni.
Bopanna hian kumin March thla khan history-ah a hming nemkaiin ATP Masters 1000 champion ni thei upa ber ni turin a thawhpui Ebden nen BNP Paribas Open title an thawk-chhuak a, Madrid khuaah an chetthat an chhawmnung zo lo.
Kumin February thla khan Qatar Open-ah an lo champion dun tawh bawk a, season kal laia an title pathumna tur a hmin zo ta lo a ni.
Madrid Open final-ah Bopanna-Ebden chak zo lo
Get real time updates directly on you device, subscribe now.
Prev Post
Next Post