Mahila General Conference nei

Nilaini khan Vanapa Hall-ah Mizoram Pradesh Mahila Congress Committee te’n General Conference an nei.
MPCC President Lalsawta chuan, hmeichhiate’n thil \ha tam tak, danglamna an thlen thei tih a sawi a, vawiinah hian Mahila te’n danglamna an siam mek, a ti.
“India ram Independence kum 1947 atanga vawiin kum 76 chhung hian India ram mipui tana hun khirh leh kan hma lam thim ber hun kan thleng mek a ni. Kan inlungrualna te, mahni hnam leh sakhua \heuhah lungmuang leh nuam ti taka kan lo awm \hinna chu nuai chhiat a ni zo a. Mahni rama mikhual dinhmun pawh tluk lova awm thei kan ni mek,” a ti.
BJP-in India ram chu Hindu rama siam an tum tiin a sawi a, “An thil tumah hian hlawhtling ta se Mizo Tribal te hi Social Strata-ah khawiah nge kan awm ang? Hei hi mipui chakna leh vote hmangin kan ti danglam thei a, kan thlak danglam dawn a ni,” a ti.
“Kan ram, kan hnam leh kan sakhaw himna tur hian Mizo mipui hian BJP thawhpui ngai lo tur Congress Party kan thlan tlin a, kan tih chak a ngai,” a ti bawk.
Mahila president Vanlalawmpuii Chawngthu chuan Mizoram hian \awngkam thiam, thusawi thiam leh mi thawm na tak tak kan mamawh lo a, ram hruaitu turin an \ha lem lo tiin a sawi a, inthlanpui lo awm tur chungchang sawiin, “MLA kan thlan hian Chief Minister tur kan thlang tel tih kan hriat a ngai. Tun hnaiah Kristian te’n Kristian lo Chief Minister kan awt lek lek. He rualawhna hi Congress Party chuan mi rinawm leh rintlak Pu Lalsawt hmangin kan thaibo dawn,” a ti.
“Mi \henkhatin enchhin chungchang an sawi. Tuna kan chief Minister Pu Zoramthanga kan hria, heti hi a nih dan a ni. Pu Lalduhoma hi MLA leh MP-ah kan enchhin tawh. A hun chhung, MP leh MLA a nih laia ban ve ve a ni a, Zin loh bill lak chungchangah hming a chher bawk. Pu Lalsawta hi MLA leh Minister-ah kan enchhin a, a hun chhungin thlarau MR a nuai bo a, Mizoram sum dinhmun nasa takin a siam \ha bawk. Chuvangin Chief Minister tur kan enchhin dawn a nih chuan mi kutfai, mi huaisen, a kalna tur kawng hria, a thusawi dingnghet, mi dik leh rintlak, Zin loh bill la ve lo Pu Lalsawta hi Chief Minister atan enchhin tur dik a ni,” a ti bawk.