Mahni zahawmna hralh lo turin
mipui ka ngen – Lalliansawta
Lunglei Municipal Council inthlan turah mahni zahawmna hralh lo turin Lunglei mipui a ngen tih ZPM president Lalliansawta chuan a sawi.
Thawhtannia an party office-a inkhawmah ZPM president chuan ram siamthat a ngai tih hriain mipui sawrkar leh kalphung thar tha zawka ram siam an tum tih a sawi a. Lunglei Municipal Council inthlan turah Lunglei mipui pawhin kan ram hi mi pamhamten an palzut mai mai loh na’n leh sum leh therhlo hmanga mahni zahawmna hralh lo turin a ngen tih a sawi.
“Intodelh lo, eng sum mai pawh khulam sum ringa khawsa mai mai nih reng hi kan ram tan a tawk tawh lo. Chhungkaw zahawm leh intodelh kan nih hun hi kan thlir a, kan ram siamtha tur hian ZPM atangin hna thawk ang u,” a ti.
MLA Lalchhuanthanga pawhin thu sawiin LMC inthlan turah an party thawhrah pawh ni loin, ruling hnathawh mumal awm lo chuan ZPM a tilian tih a sawi. “Kan sawrkar hrawn mek hian sum hmatheha vote zawn chiah tih thiam a nei a. An hnathawh hmanga mipui ngaihzawn an hlawh lo. RTPCR leh kawng chhia ringawt pawh ruling party tan chuan inthlahrunna tur a ni a. Assembly Session-ah Lunglei atanga MLA kan neihten Lunglei bakah a piahlam thlenga harsatna engmah an sawichhuak ngam lo thin a, tunah LMC inthlan dawnah mipui bum tumin an inhampuar ve mek a ni,” a ti.
Mahni zahawmna hralh lo turin mipui ka ngen – Lalliansawta
Get real time updates directly on you device, subscribe now.