Maimaw pangang project inhrilhfiah
District Sericulture Office Champhai District chuan Silk Samagra -2, Ministry of Textile hnuaia an district-a project kalpui tan meka hamthatna dawngtu, beneficiary-te hnenah project kalphung an hrilhfiah.
Champhai district-a sericulture project kalpui mek hi ‘Sustainable livelihood through Ericulture in East Mizoram’ tia vuah a ni a, he project hnuaiah hian district-a chhungkaw 134 hma lakpui tan an ni. Project tum ber chu Eri maimaw pangang khawi hmanga farmer-te eizawnna rahbi siamsak a ni. Project kalphung leh inkaihhruaina inhrilhna hi hi Champhai district-a sericulture zau lian ber tur, chhungkaw 56 awmna Ngur Cluster Ngur khuaah hman a ni.
Sericulture department hotute hian Tualcheng khuaa muga farmer-te tlawh nghalin, kumin nipuia Central Silk Board-in Tualcheng muga farmer-te muga pangang an khawi puina tur hmunhma an enfiah a. Khawvel lum chho zelah India ram dangah muga maimaw pangang khawi hlawhtlin a har tak avangin, Central Silk Board lama mitthiamten boruak tha zawk Mizoram, a bikin Champhai district-ah beiseina sang tak an nei a, Tualchengah hian kumin nipui laiin muga maimaw pangang khawi beihpui thlak an tum a ni.
Maimaw pangang project inhrilhfiah
Get real time updates directly on you device, subscribe now.
Prev Post
Next Post