Malaysian hmeichhe naupang pakhat chuan second 45.72 chhungin mit tuam chhungin chessboard dik thlapin a rem zo vek hman a, Guinness World Record a siam.
A hming chu Punithamalar Rajashekar a ni a, hmeichhe naupang kum 10 mi chauh a ni. An school-ah an zirtrtute leh a chhungte bakah school management te hmuhlaiin record hi a siam a, GWR-in an kawmnaah Punithamalar chuan, “Ka pa hi ka coach a ni a, nitin deuhthaw kan khel dun thin,” a ti.
Punithamalar chuan hetiang record siam duhna a neih tanna chu documentary pakhat, mi chi hrang hrangin an thiam thil leh theihna te an entirna a en atanga a neih ve tak a nih thu a sawi a, “Miin theih tawp chhuaha an beihnaa hlawhtlinna an chan thil ropui tak tak chu min tiphur vetu a ni
“Kids Got Talent-ah te pawh ka inlan ve tawh a, chu aia mi hriat hlawh theihna tur kawng dang chu ka duh a. Ka pain min fuih a, tichuan hetiang record siam tur hian kan inbuatsaih ta a ni,” a ti bawk.
Punithamalar hian a zirlaia nuam a tih ber chu mathematics niin, a puitlin hunah space scientist nih a tum thu a sawi bawk.
Malaysian hmeichhe naupangin mit tuam chunga chessboard rem zo rang record siam
Get real time updates directly on you device, subscribe now.