Maldives leh India inlaichinna chhe zual

Maldivian envoy to January 8 khan External Affairs Ministry chuan kovin Maldives Minister thenkhat tena social media-a Prime Minister Narendra Modi chungchang an sawina avangin thu zawhfiah an ni.
India-a Maldives envoy Ibrahim Shaheeb chu January 8 zing lamah Ministry of External Affairs a chhuahsan lai hmuh a ni a.
Prime Minister-in January 2-a Lakshadweep a tlawh chungchangah Maldives minister ten an sawisel a ni. PM Modi chuan Union Territory hi tlawhin thlalak hrang hrang a post bawk a. “Adventure lam nuam ti chuan Lakshadweep hi in tlawh tur zingah a tel a ngai,” tih a ziak lang bawk.
PM Modi hi chhang letin Maldivian Deputy Minister of Youth Empowerment, Mariyam Shiuna chuan PM Modi nuihsawhna leh zah lo takin post a siam zui a, mahse, chu chu a delete tawh thung a. Maldives sorkar chuan minister te thu post chu sorkar nena inzawmna nei lo an ti zui nghal bawk.
Maldives sorkar chuan Deputy Minister pathum January 7 a Modi nuihsawhna lam social media a post te chu a suspend nghal bawk a. Deputy Ministers Youth Ministry, Malsha Shareef, Mariyam Shiuna leh Abdulla Mahzoom Majid te chu suspend nghal an ni tiin Maldivian media report chuan a tarlang. An pathum hian Modi-an Lakshadweep a tlawha X-a a post a siam chu Maldives aia tourist-te hmunpui atana a aupuina tiin an ngaihua a ni.
Maldivian Foreign Ministry pawhin social media platform a foreign leaders te ngaihtheihlohna leh hmuh tleuna lam tarchhuah a ni chu an hriat thu sawiin an mimal ngaihdan leh thlir dan chu Maldives sorkar ngaihdan a ni lo an ti bawk a. “Maldives sorkar chuan social media platform-a foreign leaders te leh high-ranking individuals te ngaihtheihlohna tarlan chu a hria a ni. Hengte hi mimal ngaihdan a ni a, Maldives sorkar ngaihdan a ni lo” tiin Maldivian Foreign Ministry thuchhuah chuan a tarlang.
Maldivian Minister of Foreign Affairs Moosa Zameer chuan foreign leader te hetianga an chungchang sawi hi ‘pawm theih loh’ tiin a sawi bawk a, Maldives sorkar official ngihdan a ni lo a ti bawk a. Maldives chuan a thawhpui tin te a bik takin a thenawmte nena inlaichinna tha a duh tlat a ni a ti bawk.
Pathianni khan Maldivian President Ibrahim Mohamed Solih pawhin New Delhi chu thian tha a ni reng a ti bawk a. “Maldivian Government officials tena social media a India laka huatna lam hawi an post hi ka dem a ni” a ti a, “India hi Maldives thian tha a ni reng a, hetiang thil thleng hian ram pahnih inthian thatnaah nghawng chhia a neih kan phal tur a ni lo” tiin a sawi.
Maldivian Foreign Minister hlui Abdulla Shahid pawhin PM Modi sawiselna social media-a Maldives sorkar thuneitu tena an post chu ‘demawm’ tiin a sawi a. Maldivian Sorkar chu heng official-te hi hrem ngei turin a ngen bawk.
Male-a Indian High Commissioner pawhin Maldivian Foreign Ministry chu a tur na hle a. Maldives minister te thu post hian India ramah pawh nghawng na tak neiin celebrity tam tak te chuan PM Modi thusawi chu lachhawngin Maldives aia Lakshadweep chu zin nana hmang turin ngenna an siam bawk a. Chu mai bakah Indians tam tak te Maldives tlawh tumte chuan an thulh thu an sawi bawk.
Maldives hian President thar Mohamed Muizuu neiin inthlan hma pawha auhla bera a neih chu ‘India Out’ tih niin an rama Indian influence chu tihtwp a duh a ni. President a nih hnuah pawh Maldives president ni tawh ten an zinchhuaha an tlawh hmasak ber atana India an thlan thin chu titawpin ram dang a tlawh hmasa zawk ngat a ni.