Mamawh zat kawlphetha hmu

Mizoramin kawlphetha a mamawh a, a mamawh zat, mamawh aia tam a hmu thin.
2022-23 chhunga kawlphetha mamawh zat chu MU 614.67 a ni a, khami kuma Mizoramin kawlphetha a hmuh chu MU 863.49 a ni. 2025-26 chhunga mamawh zat chu MU 707.95 a ni a, MU 747.75 hmuh a ni.
Budget Session neih mekah Thawhtanni khan Tuirial bialtu K Laldawngliana zawhna, ziaka chhan chi chhangin power & electricity department minister F Rodingliana’n tun hnai kum li chhunga kawlphetha mamawh zat leh hmuh zatte a sawi a, kum tinin mamawh zat aia tam hmuh ziah a ni tih a chhannaah a lang.
Kawlphetha hmuh hi Mizoram thar chhuah leh hmun dang atanga leite a nih thu a sawi. Kawlphetha mamawh zat hi Mizoram Electricity Regulatiry Commission-in tariff order a siam atanga chhut a nih thu a sawi bawk.
Kum li chhung hian mamawh zat hi a pung a, mahse kum tina pung chu a ni lo. 2023-24 chhunga mamawh zat kha a kum leh 2024-25 chhunga mamawh aiin a tam. Hmuh zat pawh hi a pung lo a, 2025-26 hi hmuh tlem ber kum a ni.
Kum Mamawh zat Hmuh zat
2022-23 MU 614.67 MU 863.49
2023-24 MU 662.37 MU 788.70
2024-25 MU 638.17 MU 842.81
2025-26 MU 707.95 MU 747.75