Mamit district-a sawrkar sikulah zirlai sing 2+ awm

Mamit district-ah sawrkar school 296 a awm a, hengah hian zirtirtu 1739 leh zirlai 20142 an awm.
Mamit district-in zirna kawnga hma a sawn theih nan District Education Committee chu an chairman, district bawrhsap Jacob Lalawmpuia hoin Nilaini khan an thukhawm a. District project coordinator Laldingliana report danin, an district-ah sawrkar school 296, zirlai 20142 leh zirtirtu 1739 an awm mek a; private school 52 a awm bawk.
Aspirational district an nihna anga school tina hmasawnna hna hrang hrang thlirho niin, hmachhawp la awmte enho a ni.
Bawrhsap chuan an district-in zirna kawnga hma an sawn theihna turin sawrkarin nasa takin hma a la a, chutihlaiin khawi emaw laia a nihna tur anga hnathawh loh emaw tih loh tlemte avangin a district pum angin hmai a bal thei a; zirna kawnga thawktu leh a nawrkal theitu kan ni vek a ni tih inhria in, theihtawp chhuah tlang ang u, tiin a sawm.
Thutkhawmah hian Mamit District chhunga awm tur zirtirtu hmundanga attach chungchang, aikal lak tihtawp chungchang leh PMJVK hnuaia W Phaileng leh Mamit Luangpawla Sport Complex sak mek chu State Sport Council biakrawn a, zirna kawnga hmasawnna atana hman tangkai tel dan zawn nise, an ti.