Nimin khan Mamit District Wrestling Asso-ciation (MDWA) hawn-na leh lawmna Siamliana Hall, Mamitah huaihawt a ni a, he hun hi Mizo-ram Wrestling Associa-tion (MWA) president Ngurthangsanga bakah executive committee-te’n an hmanpui.
Khuallian Ngurthang-sanga chuan infiamna leh zirna a kalkawp tur a ni tih sawiin, chak leh huaisen mai a tawk tawh loh thu leh lehkha thiam tel tul thu uar takin a sawi.
MWA president chuan, “Wrestling hi India-in Olympic-a medal lak tamna ber a nih avangin Mizo naupangte pawhin Olympic-ah me-dal kan la thei. Sports hi eizawnna tlak a ni tawh a, tihtakzeta kan beih chuan hlawhtlinna tam tak a awm a ni,” a ti.
Ngurthangsanga chuan sawizawmin, “Kan wrestler-te’n ruih-hlo an ti tura ni lo. Ram pum huapin kan tha-laite’n ruihhlo an buai pui nasa, tlawmngai pawl hrang hrangte’n an do ber pawh ruihhlo a ni vek. |ha-laite’n Lal Isua nen sport buaipui ila, kan that laiah Isua tel ve tur a ni. Chumi hnuah chuan malsawmna a awm ang,” a ti bawk.
Ngurthangsanga hian Mamit District Wrestling Association din tan ni atan MWA-a affiliation fee an pek ni May ni 12, 2023 chu a puang a, MDWA a hawng nghal.
Mamit District Wrest-ling Association hnuaiah hian wrestling club pa-thum – Chalchungnunga Wrestling Club, F. Tlangsiama Wrestling Club leh Lalkulha Wrestling Club-te an awm a ni.
District Wrestling Association thar hawnna hun hi MDWA vice president hna chelhtu Lalhmachhuana’n kai-hruaiin, MWA general secretary Lalrochhuanga Colney leh Mamit Dis-trict Sport Committee vice chairman Micky C. Lalfakzualate’n thu an sawin a; MDWA pre-sident Laltlanliana’n lawmthu a sawi thung.
Mamit District Wrestling Association hawn a ni
Get real time updates directly on you device, subscribe now.
Prev Post
Next Post