Mamitah ruihhlo man sa halral

Mamit District Drug Disposal Committee hmalaknain Mamita ruihhlo man hrang hrang chu Ningani khan Mamit District Hospital incinerator-ah halral a ni.
Hmanpuitu district bawrhsap K Laltlawmlova chuan SP Mamit leh a team hnenah lawmthu sawiin, hma an lak that zarah ruihhlo tam tak man a ni tih a sawi. Mamit chu ram inrinaa awm a nih avangin ruihhlo tawlhrukna atan hman a ni thin a, hemi do tur hian police mai ni lo YMA leh tlawmngai pawlte thahnemngai taka thawk zel turin a chah bawk.
Tun tuma ruihhlo halral hi heroin, methamphetamine leh ganja a ni a. An inleitawnna anga chhutin Rs 2,98,04,250 hu a ni.