Mamitah ‘vawk dan’ siam

Tunlaiin state chhung leh thenawm state-ah vawk natna African Swine Fever (ASF) leng chuan ziaawm lam a pan thei lo a. He hri laka Mamit district mipui ranvulh a him zawk theih nan district magistrate chuan danin thuneihna a pek angin, an district-ah ASF hrileng awmna district/ state leh APEDA pawmpui farm nilo atangin vawk, vawksa leh vawk atanga siam lakluh khap a ni tih a sawi.
ASF hrileng awm lohna state leh APEDA pawmpui farm atangin vawksa leh vawksa atanga siam thilte chu lakluh phal a ni thung a, a lalut turte chuan AH&Vety director hnen atanga phalna la hmasa a, sawrkarin hemi chungchanga inkaihruaina Standard Operating Procedure (SoP) a siamte zawm turin a ti.
He thupek bawhchhetu chu Section 188 IPC hmangin hrem theih an ni a. Thupek hi hnuhlet a nih loh chuan chhuah a nih – 2023 September 26 atanga thla hnih chhung a huam dawn a ni.