MANA MOTORS-IN XUV 3XO TLANGZARH

Mana Motors chuan Lungleia an tlangzarh hnuah Aizawlah Mahindra XUV 3XO an khuh hawng a, Dealer Principal Dr Franklin Lalrinngheta chuan Mizo mipui vangin malsawmna an dawng tih a sawi. Indian company Mahindra & Mahindra chuan car an siam chhuah danah kalphung thar neiin, SUV hriat hlawh tak XUV 3OO chu XUV 3XO tia hming thlakin an car siam chhuah zel tur zinga tê ber a ni a, May 15 khan khawvel pum huapin a tlangzarh a, Mizoram dealer Mana Motors chuan May 18 khan Lungleia an showroom-ah an tlangzarh zui ve leh a ni.
Vawiinah Mizorama an hmunpui Bawngkawnah khuh hawng lehin Dealer Principal Marina chuan September 2013 atangin Mana Motors an kalpui a, kum 10 chuang chhungin hma an sawn hle a, an laka Mizo mipui an fel avangin XUV 3XO an pho chhuah leh rualin lawmthu a sawi nghal a ni.
A tirah Mana Motors-in thawktu mi 50 vel ruaiin tunah hian 205 an awm a, India hmar chhaka dealer lian pathum zingah tel tawhin, kumin chhovah thla khata lirthei 200 hralh thei turin bituk an insiam a, la tlin rih lo mah se tunhnaiah car thar an nei nual a, changkang leh tha thei ang ber tura duan XUV 3XO an neih belh leh avangin beisei an neih san phah a, lei tum tan nghah rei a ngai dawn lo tih Pu Marina chuan a sawi.
Pu Lallianmawia’n khalh chakawm leh a neitu tana lung tiawi tur a nihzia sawiin a khuh hawng a, diesel hmang chi cheng nuai 10.99 atanga nuai 16.37 thleng a awm a, petrol hmang chi cheng nuai 8.41 atanga nuai 16.94 thleng a awm bawk a ni.
Mana Motors chuan an showroom, Bawngkawn, Aizawl ah Dt.13, June 2024- khan Mahindra motor thar XUV 3X0 khuhhawnna an nei. He hunah hian Pu Lallianmawia, IPS Rtd. chu Chief Guest niin motor thar XUV 3X0 chu khuhhawnna a nei nghal bawk a ni.
Khuallian Pu Lallianmawia chuan Mahindra motor thar chu tunhma ai a chuan nuam zawk,changkang, chak leh passenger te tan a him zawk a nih thu sawiin, Mana Motors- ten mipui te tan a leitheih tura khuhhawnna an nei chu lawmawm a tih thu a sawi.
Tin, Mana Motors Dealer Principal Dr. Franklina chuan, “XUV3XO hi chu booking nghah chhung a rei dawn lova, customer ten an motor book an hmuh zung zung theih nan hian company pawhin thlakhata motor 9000 lai siamchhuak thei turin factory pawh a tilian(expand) tawh a ni,” a ti.
XUV 3X0-ah hian Petrol leh Diesel Engine duhthlan tur awmin, Petrol Engine bikah hian chi hnih- TCMPFi 1.2 L 110bhp leh TGDi 1.2L 129bhp a awm a. Tin, Diesel Engine CRDe 1.5L 115bhp a awm bawk a ni. Tin, chetsual theihna tam tak atanga min veng thei tur tunlai technology changkang tak “Advance Driver Assistance System(ADAS) “ LEVEL2 a rawn hmang tel bawk a ni.Motor man hi 7.49 lakhs atanga in tan a ni a, Booking hawn a nih atanga 60 minutes chhungin Booking Singnga (50,000) a awm nghal a ni.