Manipur-a beihpui thlaknaah hel 16 man
May 5 leh 12 inkar khan Manipur-a phaizawl leh tlangrama hel pawl hrang hrang mi 16 man an ni a, ralthuam 40 dawn man tel a ni bawk.
Sipai leh Assam Rifles ten a huhova beihpui an thlaknaah heng mite hi man an ni.
Beihpui hi Manipur-a district hrang hrang – Imphal West, Imphal East, Thoubal, Tengnoupal, Chandel leh Senapati-ah thlak a ni a. State police, CRPF, BSF leh ITBP miten an pui bawk.
Venhim hna thawktute hian silai 17, Improvised Explosive Device (IED) 17, grenade, puak thei dang leh indonaa hman chi thil eng emaw zat an man tel a ni.
May 4 leh 5 khan Tingri, Imphal West leh Chamol Top, Chandel district-ah AK-47 rifle pakhat, .303 rifle tihdanglam pakhat, IED 11, grenade leh puak thei dang an man.
Nilaini khan Tengnoupal-ah AK-56 pakhat, INSAS rifle pakhat, carbine pakhat, IED paruk, grenade leh puak thei dang an hmu chhuak.
Ningani khan Senapati-ah bolt-action single barrel rifle pahnih, .22 rifle pakhat, 9mm pistol pakhat an man.
Inrinni khan Imphal West-ah SLR pakhat, SBBL silai pakhat, .22 rifle pahnih, .303 rifle tihdanglam pakhat, 9mm pistol pathum leh grenade an man bawk.
Mi 16 an mante hi hel pawl hrang hranga tel an ni hlawm a, an zavai hian dan anga an chunga kalpui turin Manipur Police kutah an hlan vek a ni.
Manipur-a beihpui thlaknaah hel 16 man
Get real time updates directly on you device, subscribe now.
Prev Post