Manipur-ah AFSPA pawtsei
Manipur Government chuan Armed Forces (Special Powers) Act 1958 (AFSPA) chu October 1 atangin thlaruk chhung atan Manipur hmun hrang hrangah district pasariha police station tihbik huamchhung tih loha hman turin a pawtsei.
Rambuaia puanna AFSPA hi kum 2004 atang khan Imphalm Municipality tihlohah chuan kalpui a la ni char char a. April 2022 khan AFSPA chu district paruka police station 15 huam chhung atangin paih a ni a. a hnuah Distrurbed Area notification pawh police station pali huamchhungah paih a ni bawk.
Manipur sorkar chuan tun dinhmunah chuan law and order kenkawhna lamah agency hrang hrangte an inhnamhnawih avangin kimchangin engmah kalpui theih a ni lo tiin a sawi.
“Disturb Area-a puan hi uluk taka kenkawh leh kalpui a nih loh phei chuan mipui sawiselna leh duh lohna nasa taka kalpui theih a ni a. Heng avangte hian State-a law and order kenkawh dinhmun enin State sorkar chuan police station 19 huam chhungah thlaruk dang atan pawhsei ni se a ti a ni” tiin State thuchhuah chuan a sawi.
Tuna Manipur-a buaina kal mek zelah Army-te chuan AFSPA puan chuan Valley district-te pawh huam se tiin an lo sawi tawh thung.
Police station te Disturbed Areas Act in a huam lohte hi Imphal, Lamphel, City, Singjamei, Sekmai, Lamsang, Pastol, Wangoi, Porompat, Heingagng, Lamlai, Iribung, Leimakhong, Thoubal, Bishnupur, Nambol, Moirang, Kakchin leh Jirbam te a ni a. Heng hmunah te hi chuan Army leh Assam Rifles ten engmah tih theih an nei lo va, chetlakna an nei dawn a nih pawhin state police-te remtihna an lak hmasak phawt a ngai a ni.
Security forces-te chuan Manipur pum chu AFSPA hnuaia dah vek ni se chuan valley-a terror group awmte pawh awlsam zawkin an ching thei dawn an tih chu State sorkarin a ngai pawimawh duh lo a ni.
Security agencies-te chuan banned terror group heng – United National Liberation Front (UNLF) and People’s Liberation Army (PLA), Kanglei Yawol Kanba Lup (KYKL), People’s Revolutionary Party of Kangleipak (PREPAK) leh KCP te chu Imphal valley-a hmunpui neia inbengbel vek tiin an sawi bawk.
UNLF hian mi leh sa 330 vel neiin PLA-in 330 vel leh KYKL-te hian active 25 vel an nei tiin an sawi bawk.