Manipur atanga tlanchhiate puihna hlan

Manipur atanga tlanchhiate puihna hlan
Molsom Youth Association (MYA) Hqrs Tripura chuan Manipur tualchhung buai avanga Meitei leh Zofate inkara inhmuhthiam lohna awm avanga sahimna zawnga Mizoram raltlan tanpuina turin Central YMA kaltlangin tanpuina Rs. 80000 an hlan.
Molsom Youth Association (MYA) hi Tripura-a awm an ni a, Manipur tualchhung buai avangin Zofaten harsatna an tawk tih hria in, tanpui an duh a, tanpuina tur vehbur khawnin, an vehbur khawn atanga sum lut zawng zawng kengin an hruaitute Aizawlah an kal a, Central YMA kutah an hlan a ni.
Chhawmdawlna sumfai lo dawngtu Central YMA president R. Lalngheta chuan, “Unau nih hi a nuam a, khawi hmunah pawh awm ila kan inunauna a bo lo tih a langchiang zel. Tanpuina kan pe tam thei emaw thei lo emaw unau kan nihna kan tih lan zel hi a hlu a. Kan unauten khawi hmuna pawh harsatna an neih chuan CYMA chuan an tan ke kan pen zel ang,” a ti.