Parliament Winter Session neih mekah Mizoram Rajya Sabha MP K Vanlalvena zawhna chu Union minister pathumin an chhanglet a. Manipur chungchanga a zawhna erawh Home minister-in chhanna a pe thei lo thung.
Mizoram chhim tawp leh Bay of Bengal tuifinriat kalpawhna tura kawngpui sial mek KMTTP Road-ah kumin November thlengin cheng vaibelchhe 356 hmanral a ni tawh a, km.109 laih turah km.70 a thui laih a ni tawh. Km 20 dang laih hna (earth work) zawh a ni tawh a, 2025 July-a zawh hman tum a ni tih Union minister of state for External Affairs Kirti Vardhan Singh chuan a chhang.
Mizoramah oil leh natural gas zawn hna thawh mek a la ni em, tih zawhna chu Union minister of state for Petroleum Suresh Gopi chuan chhangin, Mizoram chu block thumah thenin ONGC leh Vedanta Company-in an la thawk mek.
Union minister of state for Commerce & Industry Jitin Prasada chuan Indo- Myanmar ramri ah leh Indo- Bangladesh ramri ah insumdawn tawnna tenau, Border Haat din a la ni lo tiin a chhang bawk.
Parliamentary Committee on Railways \hutkhawmah K Vanlalvena hian Bairabi to Sairang rel kawng siam mekah chhungkaw 6 hnenah zangnadawmna pek a la ni loa, Gauhati High Court Aizawl Bench-in pe tura order a chhuah tawh hnuah pawh Railways lamin an la pe lo reng tih sawiin, diklo a tih thu a sawi a. Sihhmuia rel station platform siam hna leh Sairang Kurung chunga railway bridge siam hna thawh lai chu contractor-ten an thawk muang tih he Committee member-te a hriattir a ni.
Manipur lam chanchin MP zawhna Union Home minister-in chhang lo
Get real time updates directly on you device, subscribe now.
Prev Post