Manipur sawrkarin pawngsual tawkte tan vbc. 5 dah

Manipur sawrkar chuan May ni 3 atanga State chhunga hnam inkara buaina a chhuah atanga hmeichhe pawngsual leh thil sual dang tih atanga damchhuakte hnena zangnadawmna pekna tur cheng vbc. 5 dah a nih thu Supreme Court an hriattir.
Manipur state sawrkarin Supreme Court a affidavit a thehluhah hian tun thlenga hmeichhiate zangnadawmna pek zat tarlan a nih loh bakah Noney leh Senapati district-a Deputy Commissioner-te report hnuhnung ber angin, tun thlengin district pahnih tarlanah hian sakhaw biak in tihchhiat emaw, report a awm lo tih tarlan a ni bawk.
September thla khan Court chuan State sorkar chu “State chhunga sakhaw in sak zawng zawng, Biak In, Hindu temple, Sanamahi temple, mosque leh sakhaw dang building eng pawh, tuna awm emaw, tihchhiat tawh emaw te chu tihchhiat laka venghim turin a ngen tawh bawk a ni.
He thupek chhanna atan hian State sorkarin a thehluh hnuhnung ber chuan October ni 16-a “short affidavit” thehluh a nih tawh thu a sawi a, district 16-a sakhaw in sakna hmunte hriat theihna tura State-in hma a lak dante a tarlang a ni a. Noney leh Senapati district-a sakhaw hmunte chu endikna zawh fel theih ala nih loh thu thehluh tel a ni a. Affidavit-ah State chhunga sakhaw in [a awm tawh emaw, tihchhiat tawh emaw] zawng zawng hriat theihna tur thupek tihchhuah a ni tawh thu tarlan a ni bawk.
May 3 atanga tribal Kuki-Zo leh Meitei mite inkara hnam inkara buaina chhuakah hian mi 180 vel an thi tawh tih tarlan a ni a. August thlaa State-in apex court-a status report a thehluh atanga a lan danin, Central Bureau of Investigation (CBI) chu hmeichhiate pawngsual, pawngsual leh tualthah chungchanga thubuai 20 chhui turin an ti bawk.