Manipur tualchhung buaina avangin nunna chan 258 awm tawh
Manipur-a Meitei leh Zohnahthlakte inkara buaina awm avangin nikum May thla atang khan mi 258 in nunna an chan tawh tih state sorkar security advisor Kuldiep Singh chuan a sawi.
Singh chuan buaina hi a reh hleih theih loh avangin sorkar laipui atangin Central Armed Police Force (CAPF) company 90 an dawn belh dawn tih sawiin, hei hi Manipur-a company 198 awmte aia tam a ni.
Manipur buaina avanga security review meeting an neih zawha media mite zawhna chhangin Singh chuan nunna chan hi 258 an awm tawh tih a sawi a, minister leh MLA te thil tihchhiatsak leh in halsak kaihhnawihah mi 32 man an nih tawh thu sawiin, ralthuam 3000 chuang an man tawh thu a sawi bawk.
State security advisor hova meeting-naah hian district tinah coordination cell leh joint control room siam an ni dawn tih sawi thar a ni a, he thutkhawmah hian Army, BSF, CRPF, Assam Rifles, SSB, ITBP leh Manipur police aiawhte an tel a ni.
Manipur tualchhung buaina avangin nunna chan 258 awm tawh
Get real time updates directly on you device, subscribe now.