Manipur Zofate tan nuai 2

Lunglei District Village Council Association chuan Manipur buaina avanga Zofaten harsatna an tawh mek avanga tanpuina atan pawl pathum hnenah cheng nuai hnih an hlan.
Lunglei District VC Association hruaitute chuan, Manipur buaina avanga Zofate harsatna tawh chuan an rilru a a khawih thu leh an theih anga an tana luan chhuah ve an duh avangin an district-a VC 70 chuang hnen atangin sum an dawngkhawm a, chumi hmang chuan tanpuina hi an pe tih an sawi.
Tunlaia harsatna tawk nasa Moreh atanga raltlante tuamhlawmtu Manipur Group YMA-in a tula an hman atan nuai khat an hlan a, ram chhan tura frontline-a duty-te hman atan Indigenous Tribal Leaders Forum (ITLF) hnenah Rs. 50000 pein, Zomi Students Federation hnenah Rs. 50000 an pe bawk.