Mark Knopfler-a’n ‘Going Home’ charity single atan guitar heroes 60 chuang a sawm khawm

Mark Knopfler-a’n ‘Going Home’ charity single atan guitar heroes 60 chuang a sawm khawm
Teenage Cancer Trust tana sum tuak nan Dire Strait frontman, guitarist leh singer Mark Knopfler chuan guitarist hriat hlawh tak tak a sawm khawma, chung zingah chuan Bruce Springsteen, Slash, Eric Clapton, Ronnie Wood, Pete Townshend, Sting, Queen guitarist Brian May, Joan Jett leh Pink Floyd frontman David Gilmour te pawh an tel. He hlaah hian ‘We Are The World’ a zaithiam rual an tel ang deuh khan guitarist rual an inlan ve thung dawn a ni.
He charity single atan hian 1983-a Knopfler-a instrumental “Going Home: Theme of the Local Hero’ tih re-record a ni a, Ringo Starr, Nile Rodgers leh Jeff Bck te pawhin an pui a, Jeff Beck hian January 2023 khan mual a liam ta a, a thih hma lawkin a chanpual a record hman a, a music record hnuhnun ber a ni ta nghe nghe.
Group hming lemah hian Mark Knopfler’s Guitar Heroes an ti mai a, Dire Strait keyboardist thin Guy Fletcher a produce a niin, Sheryl Crow, Joan Armatrading, Jonathan Cain, Tom Morello, Peter Frampton, Buddy Guy, Joe Bonamassa, Paul Carrack, Keith Urban, Steve Cropper, Steve Vai, Vince Gill, Sam Albert Lee, Alex Lifeson, Steve Lukatherm Dave Mason, Rick Nielsen, Orianthi, Susan Tedeschi leh Dereck Trucks te pawh an tel a, khawvela guitarist hming nei tham deuh chin chu an tel kim viau a ni.
Knopfler chuan, “Hetiang hi a ni dawn tih ka ring pha bik lo. Guy nen hian hetiang mi zozai an tel theih nan hian a piece hi kan tihsei deuh a ngai dawn tih pawh kan hre nghal mai. Eng nge kan tih dawn tih pawh ka la chiang hman meuh lo tihah Pete Townshend chu ka studio a guitar leh amp nen a rawn tek lut nghal nawlh tawh. Pete power chord chu maw…a pui nghal khawp mai. Chuta tang chuan a kal zel a, Eric (Clapton) a rawn kal a, pui takin a rawn play a. Jeff Beck tha thawh pawh ropui tak a ni,” a ti.
He single-a artist inlan zawng zawng deuhthaw hian guitar an perh vek a, Starr leh Zack Starkey ten drums an vua a, Sting-a’n bass a perh a, Roger Daltrey-a’n harmonica a play ve thung. Midang zawng chuan guitar an perh vek a ni.
He ‘Local Hero’ hi March ni 15-ah an tlangzarh dawn a, a original, Knopfler-a solo single hmasa ber ‘Hero’ hi 1983 Scottish dramedy, Peter Riegert, Peter Capaldi leh Burt Lancaster te channa soundtrack a ni a, Knopfler-a phuah leh produce a ni. ‘Hero’ hi Newcastle United F.C.-in an inkhelh dawnah an play thin bawk a ni.