MATA Award sem leh General Body Meeting leh
MATA Award sem leh
General Body Meeting leh
March ni 18, 2026, Nilaini khan Khawzawl vengthar Hall-ah Mizoram Amateur Taekwondo Association (MATA) General Body Meeting leh MATA Award 2025-2026 semna hun hman a ni a, Gidae Taekwondo Academy, ITI chuan award pathum dawngin, lawman hui hnem ber an ni.
Rorel inkhawm hi MATA President Prof. Rualkhuma Colney chuan a kaihhruai a; general secretary Joseph Thansanga hnen atangin hmalakna report ngaihthlak a ni a; treasurer F. Lalhmingliana’n sum dinhmun sawiin, a budget pharh chu lungrual taka pawm a ni.
C.H. Vanhmingthanga’n kum 2026-27 chhunga MATA hmalakna tura ruahman a pharh chu pawm a ni bawk a; Mizoram Inter District Championship buatsaih thin ni se tia rawtna lut chu MATA executive committee zirchian tura dah a ni.
General body meeting zawh hian MATA award chi hrang hrang pakua sem zui a ni a; kum 2025-2026 chhunga an achievement en chunga tehfung siam leh vote lut atangin award hi hlan an ni.
MATA award ngaih hlut Best Instructor Award chu Gidae Taekwondo Club instructor H. Vanlalfela hnenah hlan a ni a; Best Club Award pawh Gidae Taekwondo Club kutah tho a lut.
Best Senior Male Taekwondoist Award pawh Gidea instructor cum player, National Games gold medalist ni bawk Lalhlamuanpuia’n a dawng.
Best Senior Female Taekwondoist Award chu Guwahati Excellence Centre-a awm mek R. Lalbiaknuami chanpual niin, Best Junior Male Taekwondoist chu Joshua Lalthlangdika, Exodus School Taekwondo Club-in a dawng a; Best Junior Female Taekwondoist chu NCOE Guwahati a awm mek, Vanlalthlamuanpuii’n a dawng thung.
Best Referee Award chu Kolasib mi Joseph Zodinthara, National Referee ni lai kuta hlan niin, Best District Association Award chu tunhnaia district chetha tak Khawzawl District Taekwondo Association kuta hlan a ni thung.
MATA tana hnathawk tha, tlawmngai, entawntlak, inpe leh taekwondo promote tha mi panga mipui vote hmanga thlanchhuahte hnenah MATA Meriterious Person of the Year Award pek an ni bawk.
Chu’ng mite chu Joseph Zodinthara (Kolasib), Albert Lalrinfela (New Serchhip), Lalinpuia (Armed Veng South), Vanlalmawipuia (Venghnuai), Vanlalthlenga (Ramthar North)-te an ni.
MATA AWARD 2025 -2026 DAWNGTUTE
Best Instructor of the Year:
H. Vanlalfela (Gidae Taekwondo Club)
Best District Association of the Year:
Khawzawl District Amateur Taekwondo Association
Best Club of the Year:
Gidae Taekwondo Club
Best Referee of the Year:
Joseph Zodinthara (Kolasib)
Best Junior Male Taekwondoist of the Year:
Joshua Lalthlangdika (Exodus School TC, Chaltlang)
Best Junior Female Taekwondoist of the Year:
Vanlalthlamuanpuii (NCOE Guwahati)
Best Senior Male Taekwondoist of the Year:
Lalthlamuanpuia (Gide TC, ITI)
Best Senior Female Taekwondoist of the Year:
R. Lalbiaknuami (NCOE, Guwahati)
MATA Meritorious Taekwondoist of the Year award dawngtute:
1) Joseph Zodinthara, Kolasib
2) Albert Lalrinfela, New Serchhip
3) Lalinpuia, Armed Veng South
4) Vanlalmawipuia, Venghnuai
5) Vanlalthlenga, Ramthar North