Mau behchhan industry tihchangtlunna tur rel

National Bamboo Missions in Asian Development Bank nen tangduna hmarchhak state panga – Mizoram, Tripura, Meghalaya, Assam leh Nagaland a mau behchhan industry tihchangtlun leh thawhho tir tumna (Bamboo Value Chain Development in Northeast) Mizorama kalpui dan tur chu Nilaini khan chief minister Zoramthanga kaihhruaiin an sawi ho.
Horticulture secretary K. Lalthawmmawia chuan National Bamboo Missions in ADB sum hmanga hma lak tum dan leh Mizorama hmalakna tura State Bamboo Missions mawhphurhna tur, department dang kaihhnawih awm thei ang chi leh thil pawimawh dangte a sawifiah a. Mizoram State Bamboo Missions mission director, Horticulture director CH Lalmuanpuia chuan he hmalakna atana ruahman tawh chin a sawifiah bawk.
He hmalakna hi Mizoramin a tangkai thei ang bera a hman theihna’n leh ram mipuiin hlawk taka an chhawr theihna’n tuna mau hmanga industry kalpui mektute nena inrawnkhawm nise, an ti a. An ni nena hma lak ho theih bakah hma lak theihna dang la awmte nen kimchang takin a rang lama project thehluh nise, an ti.