Mawma tlangah ‘Ecological Park’

Siaha district-a tlang sang ber, Chakhei ram Mawma tlanga ‘Ecological Park’ chu Inrinni khan Tourism minister Lalrinpuii’n a hawng.
Tourism department- in hnathawh tur hmachhawp tam tak a nei a, a bikin Mizoram pawnlam atanga khualzin tam zawk hip tum mek a ni tih Lalrinpuii hian a sawi a. Siaha district pawhin an department hmalakna hi a chhawr dawn tih sawiin, tuna hawn tak ‘Mount Mawma Ecological Park ‘ pawh hian tlawhtu tam tak neih belh zelin Chakhei mipuiin hlawkna an nei dawn tih a sawi a ni. ‘Beino Caslte’ panna kawng laihna turin Asian Development Bank atanga sum hmuh a beisei awm tih a sawi bawk.
Report-a a lan danin, Mount Mawma Ecological Park, Chakhei siamna tur hian North Eastern Council atangin cheng nuai 236.17 hmuh a ni a. M&M Construction & Consultancy Ramhlun Vengthar Aizawl-in hna hi a thawk. 2023 April 1 atang tanin, kumin February 5 khan zawh a ni.
Mount Mawma Ecological Park-ah hian trekking /hiking rout e- Mawma tlang chhip thlengin cubic lung hmanga step siam a ni a, he route-ah hian chawlh hahdamna tur (waiting /rest shed) pathum siam a ni. Suspension bridge siam a nih bakah camping ground 5, khawthlirna leh entry gate siam a ni. Wildlife enclosure – sava bu 128, fencing metre 946, dil siamchawp 1, nauban 460 phun thar a ni bawk.