May indonaah India-in Pakistan thlawhna paruk kap thla

India chuan Pakistani indo thlawhna leh sipai thlawhna pakhat an kap thla niin air force chief-in a sawi a, hei hi inthenawm ram hnih indona hnua chiang taka thil a sawi vawi khatna a ni.
Air Chief Marshal Staff Amar Preet Singh-a chuan Inrinni khan kum tam tak hnua an inbeihna nasa ber chhuakah hian Pakistan pawhin a thlawhna tam tak a kap thla tih a sawi a. Indo thlawhna leh cruise missile hmanga indonaah hian mi tam tak an thi.
“Indo thlawhna panga vel leh thlawhna lian pakhat kan kap thla,” tiin Singh-a hian Bengaluru-a sipai hmaa thu a sawinaah a sawi chhuak a, thawhna lian hi ram thlithlaitu niin km 300-a hlaah an kap thla tih a sawi.
Pakistan thlawhnate hi S-400 air defence system hmanga an kah thlak deuh vek a ni tih a sawi bawk.
“Hei hi khawmual atanga boruaka mi kan kah thlak tam ber a ni a, kan air defence system hian hna ropui tak a thawk a ni,” tiin a sawi niin Indian chanchinbu tam takin an tar lang.
Pakistan erawh chuan India chu zak lo tia sawiin an thlawhna engmah tihchhiat leh kah fuh an nei lo niin a sawi.
Defence Minister Khawaja Muhammad Asif-a chuan thu dik tilang turin an pahnih hnihinin mi hrang chhuitir ni se a tha ber tih social media-ah a tar lang.
Singh-a hian eng ang indo thlawhna nge an kah thlak a sawi lo va, thlawhna atanga Pakistan chhimchhaka airbase pahnih an kahah hangar-a ram thlithlaitu thlawhna dang leh ‘F-16 tlem azawng’ an kap chhe bawk niin a sawi.
Sindh province-a Shahbaz Jacobabad airbase-a F-16 hangar zahve chu an tichhia niin a sawi.
Pakistan hian an thlawhna hi Chinese siam indo thlawhna leh US F-16 an hmang tlangpui a, a hma pawhin May 7-10 chhunga nuclear nei ram inthenawm indonaah hian India-in Pakistani thlawhna a kah thlak loh thu a lo sawi tawh thin.
Inthenawm ramte indona hi April 22-a India-in a awp Kashmir-a Pahalgam-a mi firfiakten mi 26 an thah atanga chhuak a ni.
Pakistan chuan Indian sipai thlawhna paruk kap thlaah a inchhal a, heng zinga pathum vel hi Rafale indo thlawhna a ni a, Indian sipai hotu pakhat erawh chuan ‘a dik lo hulhual’ niin a sawi.
India leh Pakistan hian Kashmir pum hi an ramah chhalin Muslim tamna hmun, Himalayan tlangdunga mi hi tlem ve ve chauh an thunun thung a, an intihbuaina hmun ber a ni.
India-in a awp chin Kashmir-a helho chuan kum 1089 atang tawh khan New Delhi hnuaia awm hi an do tan tawh.
India chuan Pakistan hian heng helho hi a pui thin niin a pui a, hei hi mahni kea Kashmiri-te an din theihna tibuaitu niin a sawi bawk.