MBA Master Championship zo fel
Mizoram Badminton Asso-ciation (MBA)-in kum 35 chin chunglamte tana kum tina a buatsaih thin MBA Masters Badminton Championship 2023 chu October 11-13, 2023 chhung khan Serchhip Indoor Stadium-ah khelh zawh a ni.
He tournament hi Serchhip District Badminton Association-in hnehsawh takin a thleng a; category hrang hrang pariatah inelna buatsaih niin, category pahniha champion thei Lal-muanawma (Hlimen, Mizoram Police Badminton Club) leh Zarzokima (Hlimen, Chanmari Shuttler Club)-te chu hming langsar an ni.
He masters championship-ah hian he’ng 35+ men’s singles, 35+ men’s doubles, 40+ men’s singles, 40+ men’s doubles, 45+ men’s singles, 45+ men’s doubles, 50+ men’s doubles leh 55+ men’s doubles-ahte intihsiak buatsaih a ni a, Mizoram hmun hrang hrang atangin player tha an fuankhawm.
35+ men’s singles final-ah Zarzokima, Chanmari Shuttler Club (CSC)-in C. Lalnunpuia (Serchhip Kawnpui Badminton Club) chu 21-13, 21-6-a hnehin awlsam takin a champion a; 35+ men’s doubles-ah Joseph M. Lalrinawma (CSC) nen tangdunin, Lalmuanawma (MPBC) leh Albert Lalnunhlima (Ralte Villa BC)-te tangkawp chu 21-12, 21-16-in, straight set bawkin an hneh.
Mizoram no 1 ni rei ber Police player Lalmuanawma hian category pathum laiah final a lut a, 35+ men’s doubles-ah champion zo lo mah se 40+ men’s singles leh 40+ men’s doubles-ah erawh champion no mawi a chawi ve ve.
40+ men’s singles-ah hian Joseph M. Lalrinawma (CSC) nen intumin 21-11, 21-11-in a chak a; 40+ men’s doubles-ah Albert Lalnunhlima (Ralte Villa BC) nen tangdunin Lalthanliana leh Joseph M. Lalrinawma (Ralte Villa BC) inkawp chu 21-19, 21-16-in an hneh leh bawk.
45+ singles-ah Lalthanzuala (MPBC) straight set-a chakin a champion a, 45+ men’s doubles-ah Lalthanliana (Ralte Villa BC) leh Benjamin Lalrintluanga (TBC) tangdunin champion nomawi an dawng thung.
50+ men’s doubles-ah Lalhlimpuia (ZTBC) leh Lal-thansanga (DBC)-te an cham-pion a; 55+ men’s doubles lamah R. Lalrinkima (CBC) leh Zabiakthara (KBC) inkawp an champion ve bawk.
Result kimchang
35+ Men’s Singles
Champion : Zarzokima, CSC
Runner up : C. Lalnunpuia, SKBC
35+ Men’s Doubles
Champion : Joseph M. Lalrinawma & Zarzokima, CSC
Runner up : Albert Lalnunhlima, Ralte Villa BC & Lalmuanawma, MPBC
40+ Men’s Singles
Champion : Lalmuanawma, MPBC
Runner up : Joseph M. Lalrinawma, CSC
40+ Men’s Doubles
Champion : Albert Lalnunhlima, Ralte Villa BC & Lalmuanawma, MPBC
Runner up : Lalthanliana & Jospeh M. Lalrinawma, Ralte Villa BC
45+ Men’s Singles
Champion : Lalthanzuala, MPBC
Runner up : ZD Zohmingliana, Bungtlang BC
45+ Men’s Doubles
Champion : Benjamin Lalrintluanga, TBC & Lalthanliana, Ralte Villa BC
Runner up : Lalhlimpuia, ZTBC & Lalthansanga, DBC
50+ Men’s Doubles
Champion : Lalhlimpuia, ZTBC & Lalthansanga, DBC
Runner up : Lalthanzuala, MPBC & Rosangliana, ZTBC
55+ Men’s Doubles
Champion : R. Lalrinkima, CSC & Zabiakthara, KBC
Runner up : Lalthanzuala, MPBC & Rosangliana, ZTBC